Landleiðin opin aftur fyri trolveiðu

Fyrsta mai varð aftur latið upp fyri fiskiskapi við troli á landleiðini. Teir smáu trolararnir, sum á hvøjrum ári hava loyvi at royna á landleiðini, sum er eitt øki í millum 6 og 12 fjórðingar, hava gjørt seg klárar og lagt um til hóskandi útgerð. Og aftur í ár hava nakrir trolarar ognað sær nýggj trol frá Sílnet.

Tað mest vanliga smábátatrolið til landleiðina er Stjørnutrolið, sum er 360 meskar í 160 mm. Eisini grunnurin verður skiftur, so hann hóskar til trolið í longd og stødd. Og eru rockhoppararnir slitnir, verða teir skiftir út, so grunnurin er sum nýggjur.

Tey vanligur fiskasløgini á landleiðini eru toskur og hýsa; men vónað verður eisini, at nógv av flatfiski eisini verður at fáa, og at prísurin fer at halda sær.

Vit ynskja skipunum góðan fiskiskap, tí higartil í ár hevur tað viðrað so illa, at trolbátarnir hava ligið inn fyri tað mesta fyrstu mánaðirnar í ár.

Nógv arbeiði fyri alivinnuna

Seinastu nógvu mánaðirnar hava vit havt úr at gera við at veita tilfar til alivinnuna. Alivinnan hevur verið ein vaksandi vinna her á landi, og fyri árið 2021 náddi útflutningurin av alifiski upp á 48,3% av samlaða útflutninginum av fiski í krónum. Útflutningurin var annars hesin:

  1. Alifiskur við kr. 4.489 mió.
  2. Toskur, hýsa og upsi við kr. 1.308 mió.
  3. Makrelur, sild og svartkjaftur við kr. 1.905 mió.
  4. Aðrar fiskavørur við kr. 1.592 mió.
  5. Samlaður útflutningur kr. 9.294 mió.
(Kelda Hagstovan)

Umleið helmingurin av vørum og tænastum, sum Sílnet seldi í fjør, fór til alivinnuna. Her kunnu vit nevna akkersskipanir ella partar av henni, smærri nótir, deyðfiskaposar, glúpar, sápuúrdráttir og útgerð og tilfar. Eisini tænasturnar sjálvar eru øktar, har vit koyra út til alibrúk og spleysa línur og tog.

Alt arbeiðið, sum Sílnet ger fyri alivinnuna, verður gjørt á virkinum í Klaksvík. Í mun til allar veitarar í landinum, so verður hvør tími hjá hjá okkum, sum vit brúka í alivinnuni, pelagisku vinnuni ella botntrol vinnuni gjørdur ”in house” fyri føroyska løn. Hetta ger eisini, at vit hava góðar førleikar á øllum økjum og eru skjót í vendingini at veita tænastur, tá ið tørvur er á teimum.

Nýggjur svartkjaftaposi

Tá ið BORGARIN fór sín fyrsta túr eftir svartkjafti í februar mánaði, hevði hann eisini ognað sær ein nýggjan svartkjaftaposa frá neta- og trolvirkinum SÍLNET í Klaksvík. 
 
Nýggi posin, sum bæði er sniðgivin og gjørdur á Kósarbrúnni, er stórur og sterktbygdur. Hann hevur fýra leys, er 85 metrar langur umframt pumpustykki, hevur flættaðar gjarðar og sterkar Dyneema stroppar.
 
Posin, sum tekur eini 900 tons av svartkjafti, hevur nú verið undir nakrar túrar, og sigast má, at hann hevur roynst væl.
 
Svartkjaftaposar frá SÍLNET hava annars gott orð á sær, og nógvir posar eru gjørdir millum ár og dag - bæði í Gøtu, har virkið fyrr hevði heimstað, og nú eisini í Klaksvík.
 
SÍLNET hevur sum mál at vera ein álítandi tænastuveitari fyri bæði fiskivinnu og alivinnu í Føroyum. Vit hava royndir og møguleikar innan viðlíkahald og nýgerð av fiski- og aliútgerð, og hava lagt okkum eftir at verða við í menning av hesi útgerð saman við vinnuni.
Vit hava bestu hølisfortreytir at viðlíkahalda pelagisk trol og posar, eins og vit hava lagt okkum eftir at hava á goymlsu tær brúksvørur, sum vinnan spyr eftir fyri kappingarførar prísir. 

SÍLNET er tín tænastuveitari í Føroyum!

TILBOÐ

Fyri settið kr. 575,-

KEMILUX umboð
til vinnulívið

Seinastu nógvu árini hevur Sílnet verið umboð av KEMILUX-úrdráttum í Norðoyggjum. Hetta samstarv hevur eydnast sera væl og verið sum ein ”forlongdur armur” fyri KEMILUX til bæði ali- og fiskivinnu, vinnulív og annars fyritøkur og stovnar í Norður-økinum. Við tí breiða úrvalinum av sápuúrdráttum hevur altíð verið gjøgligt at fingið hendur á júst teirri vøru, sum tørvur hevur verið á.

Flestu av dunkunum, sum seldir verða, eru 10 liturs dunkar. Men eisini fáast bæði 1 litur, 5 litrar og 20 litrar av fleiri vørum. Tann stóri toppseljarin er uttan iva vælangandi sápan S1 extra, og henni á baki er Rustloysarin. Og nú, tá ið várið er í hæddini og gróðurin við, eru fleiri virki og privatkundar, sum leita sær inn til Sílnet at keypa Gróðurreins, Gloriupumpu og gatukustar.

So tað er eingin orsøk til at bíða eftir summarinum fyri at hampa um uttanfyri ella at reinsa tún. Várið er komið, og kvøldini eru longri eisini.

KEMILUX-umboð

Á heysti 2016 varð avtala gjørd millum SÍLNET og KEMILUX um sølu av KEMILUX-vørum í Norðoyggjum. Avtalan inniber m.a., at SÍLNET
fer at selja KEMILUX-vørur til vinnulív, fiskivinnu
og alivinnuna.

Eisini fremmand skip hava nú møguleika at keypa hesar umhvørvisgóðkendu dygdarvørurnar frá SÍLNET, tá ið tey koma til Klaksvíkar.
"Vit hava gott samstarv við veitarar og framleiðarar úti í heimi"