STARV
Trol/netafólk til Sílnet
Okkara virksemi er økt seinastu tíðina, og tí hava vit brúk fyri einum nýggjum starvsfólki til okkara arbeiðstoymi í Klaksvík.
Arbeiðsuppgávurnar eru fjølbroyttar. Vit eru tænastuveitari til bæði fiskivinnu, alivinnu og til virki á landi, og øll okkara framleiðsla verður gjørd í Føroyum - bæði nýgerð og umvælingar. Nevnast kunnu uppgávur sum netaarbeiði, trolbøting, spleysingar, leysingar og seyming. Tað er ein fyrimunur, at tú kennir arbeiði frá skipsdekki ella hevur royndir at arbeiða við neti og nál, og at spleysa. Men av tí at vit eru ikki bara ein framleiðari, men ein tænastuveitari til vinnuna, so hevur áhugin og tænastan eisini stóran týdning. Og tað, sum er tær ókent, fært tú upplæring í. At hava áræði, vera álítandi og hava tænastulyndi er ein fyritreyt. Hevur tú spurningar um starvið, kanst tú venda tær til: Hans Jacob Poulsen stjóri tel. 526541 ella við telduposti til: hjp@silnet.fo Lønin er sambært avtalu. Starvið ynskja vit at seta skjótast gjørligt. Sílnet, ið varð stovnað í 2002 sum eitt neta- og trolvirki, hevur síðani 2014 havt virksemi á Kósarbrúnni í Klaksvík. Felagið veitir í høvuðsheitum tænastur til fiskivinnu, alivinnu og virkir á landi. Vit leggja dent á at vera ein álítandi samstarvsfelagi við tænastu, dygd og kappingarførum prísum. Á Sílnet starvast 12 starvsfólk. 
STARV
Lastbilførari við kranaloyvi til Sílnet
Vit sóknast eftir einum nærløgdum og dugnaligum lastbilførara við kranaloyvi til dagligt arbeiði fyri neta- og trolvirkið Sílnet í Klaksvík.
Arbeiðsuppgávur Arbeiðið fevnir um koyring við trolútgerð til og frá skipum, útkoyring av vørum til viðskiftafólk og aðrar tænastur. Talan er í høvuðsheitum um arbeiði í fulla tíð, men roknast kann eisini við nakað av yvirtíð ymisk tíðarskeið. Til arbeiðið krevst lastbilakoyrikort umframt kranaloyvi yvir 25 tons. Sum persónur ert tú ágrýtin, flexibul, kanst arbeiða sjálvstøðugt, og til reiðar at geva eina hjálpandi hond, har tørvur er. Setanarviðurskifti Starvið er eftir sáttmála við Klaksvíkar Arbeiðsmannafelag, tó við nøkrum sersømdum. Lønin verður eftir avtalu. Umsóknir Umsókn við avriti av prógvum/loyvum kann sendast til: hjp@silnet.fo skjótast gjørligt. Nærri upplýsingar um starvið, kunnu fáast við at venda sær til: Hans Jacob Poulsen tel. 526541 ella við telduposti til: hjp@silnet.fo. Sílnet Sp/f, ið varð stovnað í 2002, er eitt neta- og trolvirki í Klaksvík, sum veitir tænastur til fiski- og alivinnuna í Føroyum. |
|